Супрацоўнікі музея-запаведніка наведалі Акадэмічную бібліятэку Латвійскага ўніверсітэта


7 снежня 2017 г. па запрашэнні дырэктара Акадэмічнай бібліятэкі Латвійскага ўніверсітэта В. Коцэрэ ўстанову наведалі намеснік дырэктара НПГКМЗ па навуковай рабоце Т. Явіч, загадчык Музея беларускага кнігадрукавання С. Гаўрылава і старшы навуковы супрацоўнік музея В. Філімонава. Мэтай паездкі было правядзенне прэзентацыі музеяў Нацыянальнага Полацкага гісторыка-культурнага музея-запаведніка ўсім, хто цікавіцца беларускай гісторыяй і культурай. Асобная размова на сустрэчы была прысвечана прэзентацыі і папулярызацыі кніжнай спадчыны Беларусі ў Музеі беларускага кнігадрукавання.

Мерапрыемства наведалі консул Латвійскай Рэспублікі ў Віцебску У. Скуя, член праўлення Саюза беларусаў Латвіі, дэпутат Латвійскага Сейма А. Лазарава, старшыня аб'яднання мастакоў-беларусаў Балтыі В. Целеш, навукоўцы, прадстаўнікі беларускай дыяспары, настаўнікі мясцовых гімназій, супрацоўнікі бібліятэк і ўсе, хто зацікавіўся знаёмствам з гісторыка-культурнай спадчынай старажытнага Полацка.

Госці з Беларусі прэзентавалі прысутным новае выданне - альбом "Кніжныя скарбы Беларусі", якое апавядае пра Музей беларускага кнігадрукавання і рарытэты ў яго экспазіцыі. Альбом папоўніў кніжны фонд Акадэмічнай бібліятэкі. Сустрэча ў Рызе завяршыла шэраг мерапрыемстваў у рамках святкавання 500-годдзя беларускага кнігадрукавання.



Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.
Акадэмічная бібліятэка Латвійскага ўніверсітэта. Рыга. 2017 г.