Нядаўнім часам экспазіцыю залы "Скарыніяна" Музея беларускага кнігадрукавання папоўніла памятная манета "Шлях Скарыны. Полацк" наміналам у 1 рубель. Яна з'яўляецца першым выпускам з серыі "Шлях Скарыны", у якой будуць выпушчаны манеты, прысвечаныя іншым гарадам, якія асацыіруюцца з дзейнасцю нашага першадрукара, і якую Нацыянальны банк Беларусі плануе завяршыць да 500-годдзя беларускага кнігадрукавання.
