У студзені ў Музеі-бібліятэцы Сімяона Полацкага прайшлі музейна-педагагічныя заняткі для вучняў чацвёртых класаў, прысвечаныя жыццю і дзейнасці вядомага палачаніна Сімяона Полацкага.
У рамках заняткаў «Сімяон Полацкі: муж дабраверны кніжнай справе верны» школьнікі даведаліся пра галоўныя падзеі ў жыцці хлопчыка Самуіла, а затым — манаха Сімяона, пазнаёміліся з яго вершамі, рукапіснымі і друкаванымі кнігамі.
Дзеці на практыцы адчулі сябе ў ролі пісьменніка XVII стагоддзя і паспрабавалі запісаць верш Сімяона Полацкага ў выглядзе адной з фігур, якія выкарыстоўваў у творчасці іх зямляк.
