Працягваючы наведваць заняткі, прысвечаныя беларускім асветнікам, студзеньскімі днямі полацкія школьнікі-чацвёртакласнікі завіталі на заняткі «Францыск Скарына — чалавек эпохі Адраджэння» ў Музей беларускага кнігадрукавання.
На занятках вучні прайшлі «шляхам вучонасці» Францыска Скарыны, даведаліся пра асаблівасці эпохі, калі працаваў знакаміты беларускі асветнік, убачылі, як выглядалі кнігі, выдадзеныя ім. І канешне школьнікам распавялі аб працэсе набору і друку тэксту ў старажытнасці. Напрыканцы сустрэчы дзеці прымерылі на сябе ролю наборшчыкаў. Усе паспяхова справіліся з заданнем і атрымалі дыпломы «дактароў скарыназнаўства».
