Новости

Музей беларускага кнігадрукавання рыхтуе новую выстаўку

Гартаючы старонкі перыядычных выданняў, дакументуючых наша паўсядзённае жыццё, мы часта думаем, што сваю паўсядзённасць мы ствараем самі. І нават не падазраём: многія будзённыя дробязі былі прыдуманы задоўга да нас. Пераканацца ў гэтым можна, звярнуўшы ўвагу на рэкламу ў газетах і часопісах стогадовай даўнасці. Рэклама - рухавік прагрэсу? Прапануем Вам самастойна адказаць на гэтае пытанне, наведаўшы новую выстаўку ў Музеі беларускага кнігадрукавання.


Міжнародная акцыя "Ноч музеяў" у Музеі беларускага кнігадрукавання

18 мая 2013 года а 19 гадзіне ў Музеі беларускага кнігадрукавання ў рамках міжнароднай акцыі "Ноч музеяў" адбудзецца прэзентацыя фільма Алега Лукашэвіча і Аляксандра Аляксеева "Гісторыя беларускай оперы" з удзелам здымачнай групы і аўтараў. Уваход вольны.
Запрашаем усіх жадаючых!

Посмотреть программу акции "Ночь музеев" в музеях Беларуси


НОЧ МУЗЕЯЎ 2013 у Полацку


Ночь музеев в Полоцке 2013

18 мая 18.00-23.00


30-годдзю канцэртнай залы Сафійскага сабора прысвячаецца


Музычны музейны марафон


«І тады закахалася хмара...»

14 сакавіка ў Музеі-бібліятэцы Сімяона Полацкага адбылася літаратурна-музычная імпрэза пад назвай «І тады закахалася хмара...». Гасцямі музея стала музычная капэла «На таку». У выкананні Рамана Яраша і Юліі Літвінавай прагучалі песні на вершы Уладзіміра Караткевіча, а таксама народныя спевы, сабраныя падчас фальклорна-этнаграфічных экспедыцый па Беларусі. Акрамя таго, удзел у мерапрыемстве прыняў вядомы полацкі краязнаўца Міхась Баўтовіч, які расказаў пра дзейнасць Яна Чачота як першага беларускага фалькларыста.


Літаратурна-музычная сустрэча 14 сакавіка ў Полацку

14 сакавіка ў Музеі-бібліятэцы Сімяона Полацкага адбудзецца літаратурна-музычная сустрэча "І тады закахалася хмара...". Песні на вершы Уладзіміра Караткевіча праспявае Раман Яраш (гітара, гармоніка). Акрамя таго Юлія Літвінава і Раман Яраш выканаюць акапэльна народныя песні, сабраныя падчас фальклорна-этнаграфічных экспедыцый па Беларусі. Пачатак а 14 гадзіне, уваход свабодны.


«Як жыць, дык жыць для Беларусі...»

Да Міжнароднага дня роднай мовы ў Музеі беларускага кнігадрукавання рыхтуецца выстаўка пад назвай «Як жыць, дык жыць для Беларусі...». Яна будзе прысвечана 130-годдзю з дня нараджэння Вацлава Ластоўскага, Язэпа Лёсіка і Сцяпана Некрашэвіча, а таксама 120-годдзю з дня нараджэння Максіма Гарэцкага.


У Музеі беларускага кнігадрукавання рыхтуецца выстаўка да 75-годдзя Віцебскай вобласці

15 студзеня 1938 года была ўтворана Віцебская вобласць. Да 75-годдзя з дня яе ўтварэння супрацоўнікамі Музея беларускага кнігадрукавання будзе падрыхтавана выстаўка "Край лясоў і азёр". На ёй будуць прадстаўлены матэрыялы, прысвечаныя гісторыі і сучаснасці Віцебскага краю.


Изменение цен

Обращаем внимание, что с 1 января 2013 года изменятся цены на услуги, оказываемые в музеях Национального Полоцкого историко-культурного музея-заповедника.
Будьте внимательны!


Выстаўка "БУЙНЕЙШЫ НАШ КОЛАС У ЖЫЦЕ!" (да 130-годдзя Якуба Коласа).

З 1-га лістапада ў Музеі беларускага кнігадрукавання пачне працаваць выстаўка, падрыхтаваная супрацоўнікамі музея да 130-годдзя з дня нараджэння Якуба Коласа - «БУЙНЕЙШЫ НАШ КОЛАС У ЖЫЦЕ!».
На выстаўцы можна будзе пабачыць выданні твораў і іншыя матэрыялы, звязаныя з іменем славутага пісьменніка.
Запрашаем школьнікаў і ўсіх, хто не абыякавы да роднага слова!


Нацыянальны Полацкі музей-запаведнік прыняў удзел у першым Нацыянальным форуме "Музеі Беларусі"
У рамках Дзяржаўнай праграмы «Культура Беларусі» на 2011-2015 гады ў горадзе Гродна 12-14 кастрычніка 2012 года прайшоў першы Нацыянальны форум «Музеі Беларусі». Форум арганізаваны Міністэрствам культуры Рэспублікі Беларусь з мэтай падтрымкі музейнай справы ў рэспубліцы, стымулявання творчых ініцыятыў і заахвочвання музейных работнікаў, якія ўнеслі ўклад у вывучэнне, захаванне і папулярызацыю культурных каштоўнасцей.

Поездка в Латгалье и Вильнюс
С 26 по 27 сентября 2012г. в рамках подготовки к реализации проекта трансграничного сотрудничества международной технической помощи «Музейные ворота» (Латвия/Литва/Беларусь) при помощи Латгальского региона планирования, сотрудники Национального Полоцкого историко-культурного музея-заповедника посетили Латгальский регион Латвии и город Вильнюс.

Сустрэча з Уладзімірам Арловым
20 верасня ў Музеі беларускага кнігадрукавання адбылася надзвычай цікавая сустрэча з вядомым беларускім пісьменнікам Уладзімірам Арловым і прэзентацыя трох яго новых кніжак.

Сустрэча з дырэктарам выдавецтва "Логос"
7 верасня ў Музеі беларускага кнігадрукавання адбылася сустрэча з дырэктарам пецярбургскага выдавецтва «Логос» Верай Мікалаеўнай Стамянок. Такія сустрэчы сталі ўжо традыцыйнымі. Госця з Санкт-Пецярбурга падзялілася з супрацоўнікамі запаведніка, полацкімі літаратарамі і іншымі прысутнымі сваімі набыткамі і планамі. Абмяркоўваліся праблемы і перспектывы сучаснага літаратурнага працэсу і кнігавыдавецкай справы. Зразумела, гучалі і вершы полацкіх паэтаў.

Творчая сустрэча з Уладзімірам Арловым
20 верасня а 16-й гадзіне ў Музеі беларускага кнігадрукавання адбудзецца творчая сустрэча з вядомым беларускім пісьменнікам Уладзімірам Арловым і прэзентацыя новых выданняў: «Пакуль ляціць страла», «Вялікае Княства Літоўскае», «Свецяцца вокны, ды нікога за імі».
Запрашаем усіх зацікаўленых!

Дзень ведаў у Музеі
У гэтым годзе 1 верасня – Дзень ведаў, пачатак новага навучальнага года – супаў з пачаткам святкавання Дня беларускага пісьменства і друку. Музей беларускага кнігадрукавання не першы год прымае ўдзел у свяце. Ды і само свята вырасла са Скарынаўскіх святаў кнігі, што праводзіліся традыцыйна ў Полацку на пачатку верасня. А з 1994 г. свята набыло статус рэспубліканскага і пачало падарожжа па розных гарадах Беларусі. Двойчы (у 1994 і 2003 гг.) яго прымаў Полацк.

Музей беларускага кнігадрукавання прымае ўдзел у святкаванні Дня беларускага пісьменства ў Глыбокім з выстаўкай «Полацк у кніжнай культуры Беларусі».

Полацк – адзін з самых старажытных гарадоў усходніх славян, самая першая наша сталіца. Ён заўсёды быў важным цэнтрам духоўнай і матэрыяльнай культуры – дойлідства, іканапісу, прыкладнога мастацтва і, вядома ж, кніжнасці. Тут перапісвала кнігі Еўфрасіння Полацкая, якая стала святой апякункай Беларусі. Полацк – гэта радзіма першага беларускага і ўсходнеславянскага друкара Францыска Скарыны, да 500-годдзя з дня нараджэння якога тут быў адкрыты Музей беларускага кнігадрукавання.


Да Дня беларускага пісьменства
Кожны год у першую нядзелю верасня ў адным з гарадоў Беларусі праходзяць мерапрыемствы, прысвечаныя Дню беларускага пісьменства. Сёлета свята прымае Глыбокае. Музей беларускага кнігадрукавання ніколі не абмінае ўвагай гэты сімвалічны для беларускай культуры дзень.

Да юбілею Янкі Купалы

У Музеі беларускага кнігадрукавання рыхтуецца выстаўка «Вялікіх песень маг і сэрцаў валадар», прымеркаваная да 130-годдзя з дня нараджэння славутага песняра беларускай зямлі – Янкі Купалы. На ёй будуць прадстаўлены самыя розныя выданні, звязаныя з асобай пісьменніка: творы Янкі Купалы рознага часу, прысвечаныя яму даследаванні, разнастайныя юбілейныя выданні.


25 мая пасля працяглага рамонту пачаў прымаць наведвальнікаў Музей беларускага кнігадрукавання
У межах падзей і мерапрыемстваў, прымеркаваных да святкавання Дня горада, распачала работу выстаўка “Лепшыя кнігі Беларусі”, дзе экспануюцца кнігі-лаўрэаты LI Нацыянальнага конкурсу “Мастацтва кнігі Беларусі - 2012”, прадстаўленыя Міністэрствам інфармацыі Рэспублікі Беларусь. Выстаўка працуе да 3 чэрвеня.

Поздравляем Джумантаеву Тамару Александровну
Коллектив Национального Полоцкого историко-культурного музея-заповедника поздравляет заместителя директора по научной работе Джумантаеву Тамару Александровну с назначением на должность директора.